લોગ વિચાર :
આ વખતે મહાકુંભ માટે અમિતાભ બચ્ચન સહિત બોલિવૂડનાં ઘણાં કલાકારોને આમંત્રણ મોકલવામાં આવ્યાં છે. મળતી માહિતી મુજબ કુંભમાં ઘણાં દિવસો સુધી બોલિવૂડ સ્ટાર્સનો લાઈવ શો જોવા મળશે. મીડિયા રિપોર્ટ્સ અનુસાર, શંકર મહાદેવનની ટીમ ઓપનિંગ ડે પર પ્રદર્શન કરવા જઈ રહી છે. અભિનેત્રી અદા શર્મા શિવ તાંડવ સ્તોત્રમનું જીવંત પાઠ કરશે.
સાધના સરગમ 26 જાન્યુઆરીએ, શાન 27 જાન્યુઆરીએ, રંજની અને ગાયત્રી 31 જાન્યુઆરીએ પરફોર્મ કરવાની છે. કૈલાશ ખેર 23 ફેબ્રુઆરીએ પોતાનો શો કરતાં જોવા મળશે. 24મી ફેબ્રુઆરીના રોજ મોહિત શોના ભવ્ય શો સાથે કુંભનો કાર્યક્રમ પૂર્ણ થશે.
આ વખતે ઓછામાં ઓછાં 15 હજાર કલાકારો ઘણાં પ્રસંગો પર શો કરૂતા જોવા મળશે. હંસરાજ હંસ, હરિહરન, કવિતા કૃષ્ણમૂર્તિ જેવાં સ્ટાર્સ પણ કુંભમાં શો માટે આવવાનાં છે. ભક્તો માટેનાં આ તમામ કાર્યક્રમો કુંભ મેળાના મેદાનના ગંગા પંડાલમાં યોજાશે. અહી આવતાં તમામ ભક્તોને લાભ મળી શકે તે માટે તમામ કાર્યક્રમો જુદાં જુદાં દિવસે યોજાશે.