લોગ વિચાર.કોમ
ઇજિપ્તનના રેસલર અને સ્ટ્રોન્ગમેનના હુલામણા નામે ઓળખાતા અશરફ કાબોન્ગાએ ગયા અઠવાડિયે પોતાના દાંત કેટલા મજબૂત છે એનો પરચો આપતો રેકોર્ડ બનાવ્યો હતો.
તેણે 279 ટન વજન ધરાવતી ટ્રેનને જસ્ટ તેના દાંતની મદદથી ખેંચીને ગિનેસ વર્લ્ડ રેકોર્ડ પોતાના નામે કર્યો હતો. કેરો શહેરના રામસેસ સ્ટેશન પર ગયા ગુરુવારે આ સ્ટન્ટ થયો હતો.
જેમાં અશરફ કાબોન્ગાએ 279 ટનની ટ્રેનને પોતાના દાંત વડે 10 મીટર સુધી ખેંચી બતાવી હતી. તેણે 19 ટન વધુ વજન ખેંચીને જૂનો રેકોર્ડ તોડયો હતો.આ ઉપરાંત અશરફભાઈના નામે બીજા રેકોર્ડ્સ પણ છે. આ પહેલાં તેણે બે ટન વજનની કાર ખેંચવાનો સ્ટન્ટ કર્યો હતો. 15,730 કિલો વજનની ટ્રક દાંતથી ખેંચવાનો રેકોર્ડ પણ અશરફના નામે છે.
આ ભાઈ કેમ આટલા ખડતલ છે એનું રાઝ કદાચ તેમનો ડાયટ પણ હોઈ શકે છે, કેમ કે એમાં પણ તેમણે રેકોર્ડ બનાવ્યો છે. 30 સેક્ધડમાં અશરફભાઈ 11 કાચાં ઈંડાં ખાઈ ગયા નો પણ વિક્રમ ધરાવે છે. લગભગ ચાળીસ વર્ષની આસપાસના અશરફ કાબોન્ગા ઇજિયિન ફેડરેશન ઑફ પ્રોફેશનલ રેસલર્સના પ્રેસિડન્ટ પણ છે.