લોગ વિચાર :
આપણે ધાર્યું હોય એના કરતાં વધારે મળે ત્યારે જ થાય એવો આનંદ ફોટોગ્રાફર ધ્રુવ પાટીલને થયો હતો. પશુ-પક્ષીઓની ફોટોગ્રાફી કરવા માટે જાણીતા ધ્રુવ પાટીલ કર્ણાટકના બાંદીપુરની એક સફારીમાં ફોટો પાડતા હતા.
તેમણે એક વૃક્ષ પર બેઠેલી વૃધ્ધ દીપડી એટલે કે માદા દીપડાની તસ્વીર લઇ લીધી. તેમને એવું જ હતું કે એક મસ્ત ક્લિક મળી ગઇ, પણ ઘરે આવ્યા અને એ ફોટો ધ્યાનથી જોયો તો આંખ પહોળી થઇ ગઇ.
આંખ પહોળી થવાનું કારણ પણ દીપડાની આંખ જ હતી. તેમણે જોયું તો દીપડાની બન્ને આંખના રંગ જુદા-જુદા હતા! એક આંખનો રંગ લીલાશ પડતો આસમાની હતો અને બીજી આંખનો રંગ ભુખરો હતો.