લોગવિચાર :
આજે છેલ્લુ નોરતુ છે આવતીકાલે દશેરાની ઉજવણી થશે : દશેરાના દિવસે જલેબી - ફાફડા ગાંઠીયા ખાવાની રિવાજ છે ગુજરાતના લોકો કાલે ૫ કરોડના જલેબી - ગાંઠીયા ઝાપટી જશે તેવો અંદાજ છે ૪ મુખ્ય શહેરોમાં જ ૧ લાખ કિલો જલેબી - ફાફડાનું વેંચાણ થશે તેવું માનવામાં આવે છે : વિવિધ શહેરોમાં ફાફડા ગાઠીયાનો ભાવ ૪૦૦ થી ૭૦૦ની વચ્ચે તો ૧ કિલો જલેબી ૫૦૦ થી ૮૦૦ની વચ્ચે વેંચાશેઃ
રાજકોટમાં કરોડો રૂપિયાના હજારો કિલો ફાફડા સાંજ સુધી વેચાશે. મહત્વની વાત છે કે ફાફડા જલેબી ખરીદીમાં કોઈપણ -કારની મંદી નથી નડી રહી જે અર્થતંત્ર માટે શુભ સંકેતા માની શકાય.
દશેરાના એક દિવસ પહેલા જ ફાફડા જલેબી માટેની તૈયારીઓ શરૂ થઈ ગઈ છે. અમદાવાદ શહેરમાં અનેક વિસ્તારમાં દુકાનમાં ફાફડા જલેબી માટે ખાસ પંડાલ બાંધવામાં આવ્યાં છે. કોર્પોરેટ ઓર્ડર અને સોસાયટીઓનાં ઓર્ડરને પહોચી વળવા માટે ફાફડા તૈયાર કરવાની કામગીરી શરૂ થઈ ગઈ છે. ફાફડા અને જલેબીના ભાવમાં પ્રતિ કિલો ૫૦ રૂપિયાનો વધારો થયો છે. ફાફડા રૂપિયા ૫૦૦થી ૬૫૦ -તિકીલો અને જલેબી ૮૦૦થી એક હજાર રૂપિયા કિલો સુધીમાં વેચાણ થઈ રહ્યા છે.
રાજકોટમાં પણ દશેરાને લઈને તૈયારીઓ પુરજોશમાં છે. મીઠાઈ અને ફરસાણનાં વેચાણ માટે અત્યારથી જ તૈયારીઓ શરૂ થઈ ગઈ છે. જોકે ફરસાણ અને મીઠાઈમાં મોંઘવારીનું ગ્રહણ લાગ્યું છે. રાજકોટમાં આ વર્ષે મીઠાઈમાં ૨૦ થી ૪૦ ટકાનો ભાવ વધારો જોવા મળી રહ્યો છે. દૂધ, ઘી, તેલ, ચણાનાં લોટમાં થયેલા ભાવ વધારાની અસર જોવા મળી રહી છે. રાજકોટમાં ૨ કરોડની મીઠાઈ વેચાવાનો અંદાજ છે. સૌથી વધુ ધારી, જલેબી સાટા અને ગાંઠિયાનું વેચાણ થશે. આ દશેરાએ ભાવ ૧૨૦૦થી ૧૪૦૦ રૂપિયા, કાજુની જલેબીનો ભાવ ૧૦૦૦થી ૧૨૦૦ રૂપિયા તો સાટાના ૪૦૦ અને જલેબીનો ભાવ ૪૦૦ રૂપિયા પ્રતિ કિલો આસપાસ હશે.
એક બાજુ ગાંઠીયના ભાવમાં વધારો જોવા મળી રહ્યો છે તો બીજી બાજુ ગાંઠીયા સાથે ખવાતા મરચાનાં ભાવમાં પણ ધરખમ વધારો જોવા મળ્યો છે. હોલસેલ માર્કેટમાં મરચાના ભાવ ૮૦ રૂ. પ્રતિ કિલો પહોચ્યાં છે. સામાન્ય દિવસોમાં હોલસેલ માર્કેટમાં ૩૦ રૂપિયા પ્રતિ કિલો વેચાતા મરચાં ૮૦ રૂપિયા સુધી પહોંચ્યા છે. રિટેલ માર્કેટમાં મરચાનો ભાવ રૂ.૧૦૦ પ્રતિ કિલો આસપાસ છે. દશેરાના તહેવારમાં ફાફડા સાથે મરચાની માંગ હોવાથી મોટા પ્રમાણમાં મરચાંનું વેચાણ વધ્યું છે.