લોગવિચાર :
કર્ણાટકના વિજયપુરાની વતની 18 વર્ષની સમાઈરા હુલ્લુરે ભારતમાં સૌથી નાની ઉંમરે કમર્શિયલ પાઈલટ લાઈસન્સ મેળવીને ઈતિહાસ રચ્યો છે, તે બિઝનેસમેન અમીન હુલ્લુરની દીકરી છે.
સમાઈરાએ વિનોદ યાદવ એવિયેશન એકેડેમી ઓફ કાર્વર એવિયેશનમાં ટ્રેઈનીંગ લીધી હતી. કુલ દોઢ વર્ષની ટ્રેઈનીંગમાં તેણે 6 પરીક્ષા અને 200 કલાક વિમાન ઉડાડવાનો અનુભવ લીધા પછી પાઈલટનું લાઈસન્સ મેળવ્યું છે. વિવિધ પ્લેન્સ અને નાઈટ-ફલાઈંગ પણ સફળતાપૂર્વક કરીને સમાઈરા 18 વર્ષની વયે ભારતની યંગેસ્ટ પાઈલટ બની છે.
નાનપણમાં હેલિકોપ્ટરની જોય રાઈડ પછી સમાઈરાએ આકાશમાં પ્લેન ઉડાડવાને કરીઅર બનાવવાનું નકકી કર્યું હતું. એ વિશે સમાઈરાના ઈન્ટીરિયર ડિઝાઈનર પિતા અમીન હુલ્લુરનું કહેવું છે કે, ‘થોડા વર્ષ પહેલાં બીજાપુર ઉત્સવમાં વિજયપુરા જિલ્લા એડમીનીસ્ટ્રેશને હેલિકોપ્ટર રાઈડનું આયોજન કર્યુ હતું. અને એની ટિકીટ ખરીદી હતી અને પાઈલટની બાજુમાં જ બેસવા મળ્યું હતું.