લોગવિચાર :
શિયાળાની સાથે જ દિલ્હીની હવા ઝેરી બનવા લાગી છે અને એર ક્વોલિટી ઈન્ડેક્સ સતત 400ને પાર થઇ ગયો છે. ગુજરાતમાં પણ ધીરે-ધીરે પ્રદૂષણનું પ્રમાણ વધવા લાગ્યું છે. 19 નવેમ્બરના સુરતમાં સૌથી વઘુ 263નો એર ક્વોલિટી ઈન્ડેક્સ નોંધાયો હતો. ગુજરાતીઓ હાલ દિવસમાં બે સિગારેટ પીવે તેટલું પ્રદૂષણનું પ્રમાણ છે.
દિલ્હીમાં હાલ પ્રદૂષણનું પ્રમાણ દિવસમાં 49 સિગારેટ પીવા સમાન છે. જેના ઉપરથી જ દિલ્હીમાં પ્રદૂષણની ચિંતાજનક સ્થિતિનો તાગ મેળવી શકાય છે. અન્ય રાજ્યોમાંથી હરિયાણામાં 29, બિહારમાં 10, ઉત્તર પ્રદેશમાં 9.50, ઓડિશા-બંગાળ-રાજસ્થાનમાં 7.5, સિગારેટ પીવા જેટલું પ્રદૂષણ છે.
ગુજરાતમાંથી મંગળવારની સ્થિતિએ સુરતમાં 263ના એર ક્વોલિટી ઈન્ડેક્સ સાથે સૌથી વઘુ પ્રદૂષિત હવા હતી. તજજ્ઞોના મતે 201-300 વચ્ચે એર ક્વોલિટી ઈન્ડેક્સ હોય તે તેને ખરાબની શ્રેણીમાં મૂકવામાં આવે છે.
જેમાં લાંબો સમય રહેવાથી શ્વાસ લેવામાં સમસ્યા સર્જાઇ શકે છે. એર ક્વોલિટી ઈન્ડેક્સ 400ને પાર જાય તો તંદુરસ્ત વ્યક્તિને પણ અસર કરે છે. તબીબોના મતે શ્વાસની સમસ્યા હોય તેમના માટે હાલ માસ્ક પહેરીની બહાર નીકળવું હિતાવહ છે.
કેટલો એર ક્વોલિટી ઈન્ડેક્સ જોખમી:- એક્યુઆઇ-સ્થિતિ, 0-50 સારી, 51-100 સંતોષકારક, 101-200 મઘ્યમ, 201-300 ખરાબ, 301-400 ખૂબ જ ખરાબ, 401-500 ચિંતાજનક, ગુજરાતમાં 24 કલાકમાં પ્રદૂષણનું ક્યાં - કેટલું સ્તર, સુરત 263, અંકલેશ્વર 182, અમદાવાદ 182, વટવા 118, ગાંધીનગર 113, એકયુઆર પ્રદુષણનું સ્તર તા. 19 નવેમ્બરની સ્થિતિએ હતું.