લોગ વિચાર :
આજકાલ તમામ ફિલ્મ કલાકારો OTT માટે ના પ્રોજેક્ટ્સ પર કામ કરવું છે. અભિનેત્રી તમન્ના ભાટિયા પણ ગયા વર્ષે આખરી સચ સિરીઝ મા જોવા મળી હતી. વર્ષ 2018 માં દિલ્હીના બુરાડી કાંડના એક કેસથી પ્રેરિત આ વાર્તા હતી.
નિર્માતા પ્રીતિ સિમોસ વિશે એવા અહેવાલો પણ હતા કે તે વેબ સિરીઝમાં કામ કરી રહી છે, જે એક સત્ય ઘટના પર આધારિત હશે. હવે આ સંબંધમાં નવી માહિતી સામે આવી છે. સમાચાર છે કે પ્રીતિના આ પ્રોજેક્ટમાં તમન્ના ભાટિયા ફરી એકવાર જોવા મળશે. એવું કહેવામાં આવી રહ્યું છે
આ પ્રોજેક્ટમાં તમન્ના ભાટિયા લીડ રોલમાં જોવા મળશે. અને ટૂંક સમયમાં પ્રોજેક્ટનંળ શૂટિંગ શરૂ થશે. મીડિયા રિપોર્ટ અનુસાર તમન્ના ભાટિયા શરૂઆતથી જ આ પ્રોજેક્ટ માટે પ્રથમ પસંદગી હતી.‘આખરી સચ’સફળતા પછી, નિર્માતાઓ તમન્ના સાથે ફરીથી કામ કરવા માંગતા હતા અને તેના માટે સારી વાર્તાની રાહ જોઈ રહ્યા હતા.
હાલમાં, શ્રેણીના અન્ય પાત્રોના કાસ્ટિંગનું કામ ચાલી રહ્યું છે. લીડ એક્ટર માટે મેકર્સ ફેમસ એક્ટર સાથે સંપર્કમાં છે. કાસ્ટ નક્કી થતાં જ આ સિરીઝ ફ્લોર પર જશે. તમને જણાવી દઈએ કે તમન્ના હજુ પણ એક સિરીઝમાં કામ કરી રહી છે. કહેવામાં આવી રહ્યું છે કે આ શોમાં તમન્ના વકીલની ભૂમિકામાં જોવા મળશે.