લોગવિચાર :
ફિકકી ફલો અને જિતોની મહિલા પાંખ દ્વારા શુક્રવારે અમદાવાદમાં મહિલાઓની સારીથોનનું આયોજન કરવામાં આવ્યું હતું. જેમાં સાબરમતી રિવરફ્રન્ટ ખાતે મહિલાઓ સાડી પહેરીને વોકીંગ, જોગીંગ, રનીંગ અને પાવર યોગા અને ગરબા સહિતની પ્રવૃતિઓ કરી હતી.
આ સારીથોનમાં 500થી વધુ મહિલાઓ વિવિધ રાજયોની પરંપરાગત સાડીઓ સાથે ફયુઝન લુકમાં સાડી પહેરીને ઉત્સાહ સાથે જોડાઈ હતી. સાથે જ આ સારીથોનમાં હાજર મહિલાઓએ 1029 સાડીઓ એકઠી કરીને, તેને બાંધીને સારી ચેઈન બનાવી હતી, જેનો વર્લ્ડ બુક ઓફ રેકોર્ડ લંડનમાં રેકોર્ડ કરવામાં આવ્યો છે.
હવે આ સાડીઓને વિવિધ સમાજની જરૂરિયાતમંદ બહેનોને દાન કરવામાં આવશે. આ મેરેથોન મહિલાઓમાં નારીત્વ, આરોગ્ય, સહકારીતા અને સાંસ્કૃતિક ગૌરવની ભાવનાને ઉજવવાનો હતો.
આ મેરેથોનમાં અમદાવાદના મેયર પ્રતિભા જૈન, આન્ત્રપ્રિન્યોર રૂઝાન ખંબાતા સહીત વિવિધ સામાજીક પ્રવૃતિઓમાં આગેવાન મહિલાઓએ ભાગ લીધો હતો. ભાગ લેનાર મહિલાઓમાંથી ત્રણ વિજેતા મહિલાઓને ઈનામ પણ અપાયાં હતાં.